2012 聖誕閒影

雖然已經過左聖誕，仲過埋新年，
不過話晒聖誕係一年裡面我最鍾意既節日，
因為周圍都有好多唔同既裝飾，好有氣氛，
就用呢篇Blog記錄番2012年既聖誕啦~

其實每年最多聖誕佈置既地方，我諗都非尖沙咀莫屬，
大大小小既Shopping malls 都會落重本，
其中又以海港城吸引最多人去影相，
今年就以紅色既旋轉木馬做主題~

而海港城3/F既LCX則風格不同，有一種小鎮既溫馨感覺。



另外一個熱門既地方就係銅鑼灣時代廣場。



今年係以無論大人小朋友都喜歡既LEGO做主角，
砌晒成條聖誕小鎮既場景，係地下及2/F都有，
不過無論咩時間去都係非常極之多人，
真係想要影張都好難。

其實本人係好怕人多既，所以都係同少爺留係屋比較自在D~~
最後點都要放張小爺既相既~~ 哈哈