大個仔2日1夜離島遊

2012年終於過去啦!!
希望係新一年我既家人、朋友、各位Blog友、毛小孩都健康快樂~~
踏入2013年，我同我家少爺就去左2日1夜既離島遊玩樂一番，
呢個 trip 仲完成左2個少爺既第一次~~ 係咩呢?
就係第一次在外過夜啦　(少爺自己住dog hotel 唔算啦)!!!!!!

因為親戚係西貢既原居民，而該處既天后廟重修開幕，
係1月2日會舉行盛大既盤菜宴慶祝，
於是就決定一家大細，
拖男帶女既 family gathering 啦。

1月1日，成家人一早出發，雖然就涷左少少(只有13度左右)，
但天氣晴朗，個天好藍，仲有白雲！！
未開之前少爺已經好興奮！！

我地提早左1日去玩，悠閒咁行下山～





因為已經係冬天，所以今次JimJim無得游水lu~
不過都去左沙灘踩水，少爺非常high，所以都非常唔聽話，
專走去多石既地方，激死佢阿媽我！！



玩完水，洗完白白，晒下太陽吹乾D毛毛先~



係郊外有山有水既環境，JimJim都非常專業，
擺D好型仔既post 俾我影!! 哈哈~



其實JimJim咁大個都未試過係陌生既地方過夜，所以我都一直好擔心，
因為佢係好細膽好感敏架，只要有少少風吹草動，
佢都會好緊張，甚至會吠，所以都擔心佢會影響到其他人，

不過因為今次係 family gathering，所以就膽粗粗試下，

大不了咪大家一齊打麻雀到天光囉～哈哈！！



結果......少爺好好好...生性， 成晚都無吠～　(老懷安慰) 
就算聽到遠處傳來既炮燭聲都只係豎起對耳仔好注心咁聽!!

到左第2日去食盤菜宴啦，
第2個第一次就係同300幾個人一齊開餐啦~

話說當日總共有成300幾圍架，場面非常盛大，仲有舞獅助慶!!
少爺好乖咁坐係我腳邊，無引起任何混亂，非常合作，
我真係感動到想喊呀~~



經過呢次2日1夜之旅，我真係感覺到3歲零2個月既JimJim已經大個仔啦~ 
希望2013年開始可以帶JimJim去更多不同既地方玩!!!



夕陽無限好，只是近黃昏。
又係時候講BYE BYE啦~ 下次再玩過!!