Beach Boy Jim 之 2013第一游

記得去年既第一游係7月初，亦係我家少爺狗生第一次既下水禮，
有興趣可以睇返 --> 2 July 2012 JimJim 下水禮

自此之後，JimJim就愛上游水啦~
我點知 ? 因為每次提起「游水水」呢3個字，JimJim就會主動献吻，仲笑笑口咁。

所以今年雖然仲未到端午節，仲要係近百年最凍既5月，
又連續落左幾日大雨，不過已經急不及待要去游返轉啦~
當日係碼頭時，天色仍然唔多好，不過就已經無再落雨啦~

= + = + = + = + 出。發。嚕。= + = + = + = +

經過多次出遊經驗，JimJim已經愛上左搭船，
所以只要講「搭船船」都係會有主動献吻加笑笑口咁既效果。
你睇佢幾自在幾 enjoy!!! 都不知幾鍾意吹海風!!

(本人非常喜歡呢張相，我兒好靚仔喔!! )
今次都係去西貢村屋，呢度已經變左少爺既渡假屋嚕~
因為呢度無咩人鄉下地方，所以JimJim可以係屋附近既石灘無拘無束游餐飽。
雖然唔係咩水清沙幼海灘，不過就勝在可以包場!!!

JimJim 係各人仲係岸邊講緊野既時候，就顯示佢beach boy 既天性，衝左落水。

 

 

游得多自在!!
非常喜歡望住JimJim游水時睜大眼、用力呼吸、屁屁蹺高高既樣!!
好..好..好..可愛呀!!!
JimJim自動波來回游到累就上岸，再去碼頭吹吹風先~~

 

休息完就返去洗白白啦~
洗完白白周圍行下散下步。



週末就係呢種悠哉游哉既氣氛下渡過，多謝天公造美。

 

 

最後以JimJim 燦爛既笑容結束。

 

[ 4 May 2013 ]