漏食飛碟之有無咁想玩呀??!!

唔知大家有無試過想去買野，
但唔知點解最後會買左第二樣完全無關既野。我就成日都會係咁 。

今次唔知點解買左個Premier Busy Buddy - twist 'n treat 漏食飛碟俾少爺Jim。
其實之前都買過類似既益智玩具，係同牌子既漏食瓶(Tug-A-Jug)，
不過個瓶玩起上黎真係非一般嘈!!!


JimJim追住個瓶通屋走，到最後唔知係咪因為我買錯左Small size，
所以佢係食極都食唔到既情況下，就將佢打左入冷宮，自此眼尾都無再望過...

睇書話呢D益智玩具係有抗抑鬱焦慮症既作用，
不過JimJim係小時候獨留家中既時候試過咬門框、衣櫃、報紙etc...
(老師話佢可能有輕微焦慮症)，
不過1歲之後就再無呢鋪癮。
所以覺得我家少爺對呢D要用腦既玩具無咩興趣。
 

= + = + = + 唔 。買。 都 。買。 左。 之。後 = + = + = +

不過話說回來，小爺又幾鍾意玩，可能純粹因為今次呢個都幾簡單，

好快就破解到，所以做到玩玩下有得食既效果

 

唔記得左未拆前影相，玩左一陣已經黏左好多毛!!!
証明哥基就係毛怪囉~~~
你睇~ 玩得好認真下架!!

 

本來都無諗住寫呢篇BLOG，呢篇亦唔係勸敗文，因為都無諗住叫大家買。
不過尋晚發生左一件好好笑既事 :
話說大家係度睇緊TV 既時候，少爺忽然咬住個飛碟去婆婆到，
望住婆婆、再望下飛碟、再望下包零食 (重覆以上動作2-3次)，
我地大家都諗佢係示意婆婆將D零食放入個飛碟度俾佢玩!!!
當然婆婆絕不怠慢照佢意思做啦，
跟住JimJim就咬住個飛碟 彈。下。彈。下。咁走開專心咁咬。


有無咁想玩呀??!! 究竟係想食定想玩呀??!!