[手作仔] 有餡麵包初試

一直都有繼續用麵包機既，因為要回本嘛~ 
但都係無咩特別口味要寫低分享。
最近又有另一位朋友買左麵包機，有得交流下，立即就想試下新口味。


= + = + = + 抺 茶 牛 奶 紅 豆 包 + = + = + =

今次係第一次做有餡既包，所以試用「波蘿」 function。
「波蘿」function 其實係將普通既「快速麵包」function 分成兩 part，
第一部份係將材料打成麵團，所以跟之前做既無分別，記住都係要放酵母係酵母隔架!!
需時 55分鐘，之後就會發出 " 嗶嗶聲 " 提示做下個步驟啦~



因為今次做既係紅色包，所以當麵包機做緊第一PART 既時候，
另一邊就要煮紅豆啦~
其實貪方便既可以買罐頭煮好既紅豆。


Part 2 就係將煮好既紅豆瀝乾，然後將紅豆放入已經搓好既麵團。
因為選左「波蘿」功能，所以攞麵團既時候係咩制都唔使按架!!
因為太心急呢個 STEP 唔記得左影相~
之後就將麵團放回麵包機，呢個時候再按「開始」，咁就會繼續焗麵包既步驟勒~



依我睇因為再按「開始」後，就會再次發酵及烤焗，
而成個步驟就大概1小時15分鐘，所以完成品就好似用快速功能既麵包咁，比較矮小。
亦無用「麵包」功能做既完成品咁鬆軟。



完成品外表都OK。
大家都可能發現，點解唔係綠色既??
其實今次已經落多左抺茶粉都仲係無咩色，不過味道就有抺茶味，
我估可能係隻粉唔夠堅，因為係平野~
唯有下次買過另一包試下啦~
仲有就係放係面既紅豆，其實我知要焗到咁上下先放入去會比較好，
因為懶所以一早放左一齊焗，結果就太梗啦~ 得個樣.... 哈哈~~

因為我做既麵包係會俾少爺食，所以係份量上有稍作修改，例如刪鹽、減糖及牛油。

以下係正常份量，有與趣可以試下做 (份量1 LB):
高筋麵粉   250g
酵母粉   3g
牛奶   160ml  <---我用北海道牛乳個隻，好似好味D
鹽    3g
砂糖   40g
牛油   35g  <---我用無鹽個隻
抺茶粉   15g

= + = + = + = + = + = + = + = + = + = + = + = +

上次做既 「芒果牛奶核桃麵包」再經過試驗，發現多牛奶少水係好味D既，正常份量既食譜如下 (份量1 LB):

高筋麵粉   250g
酵母粉 3g
水 40ml
牛奶 100ml  <---我用北海道牛乳個隻，好似好味D
鹽     3g
砂糖 40g
牛油     20g  <---我用無鹽個隻
芒果     80g ( 約 3/4 個新鮮芒果 ) <-- 可用罐頭芒果，但要隔水瀝乾
核桃     隨意

= + = + = + = + = + = + = + = + = + = + = + = +

繼續麵包狂熱!!!!