不忘舊愛

最近廚房又有新玩意，
不過仲要試用一下先同大家分享，
留待下篇再講~

為左表示小妹唔會貪新忘舊呢，
來寫一下舊愛「麵包機先生」啦~~~
之前啱啱睇到一篇新聞，話台灣自從麵包機大賣之後，
食麵包引致肥胖既人足足多左三成!!!
我即刻同Jim婆婆講好彩我無Keep住日日整包俾大家食咋!!
哈哈~ 我真係太會節制啦~~ XD

今次呢兩款包其實材料呢就來來去去都係個D架啦，
不過唔同既地方就係用唔用既造型方法，
令到出黎既包款有D唔同咁。

綠茶紅豆包 (食譜請看 [手作仔] 有餡麵包初試 )



排列方法就係將麵團分成4等份，
於每份鋪上紅豆蓉，然後捲起，平放於機內。

燕麥南瓜包  (食譜請看 兩款麵包 crossover 百年烘焙老店 (附食譜)  )



跟上次做法有點不一樣，
燕麥代替左葵花籽(其實亦可以不加，加只係想多一點咬感)，
另外，今次南瓜蓉要等到「波蘿」Function 第二部份才鋪上麵團，
然後捲起成長條狀，再係中間剪開，
以鬚辮方法左右交替，
最後盤成一團放回麵包機內繼續餘下步驟。

自家製麵包始終比街買既健康可靠，
不過都唔好食太多而變左肥仔肥女，
任何好野都係少食多滋味啦~