端午暢游龍舟水 2014

唔知大家有無游龍舟水既習慣既呢?
我家以往就無啦~
印象中記得每年既端午節都非常曬非常熱，
多數都係安坐家中睇電視播扒龍舟比賽。

今年一如以往都係非常曬非常熱，
不過因為今年夾到時間去西貢秘密花園短trip，
所以....一係唔游一係就游足3日龍舟水啦~

[秘密花園係我家親戚係西貢既屋企，
因為親戚不想公開，所以就稱為秘密花園啦~ (同韓劇無關) XD ]

其實呢....本篇無咩重點，
只係純粹紀錄一下。

= + = + = + =  跳 回 出 遊 日 = + = + = + =



個幾日真係曬到不得了!!
俗語「食過五月糉、寒衣要入籠」，
但只係剛剛端午，有必要咁熱咁曬咩??!!
唔敢想像七八月既時候會熱到咩程度!!!
地球先生真係病左啦~ 大家要環保D啦。



少爺話咁曬要載頂草帽、搵個陰涼位抖下~~
帶埋圍巾似唔似cowboy呢?!



主打活動當然係游水啦~
話說到左第二日少爺已經游到好累，
夜晚因為無帶私家床墊 (因為媽媽帶漏野!! )
所以少爺夜晚訓得唔係幾好，
擔心少爺端午節正日無力游龍舟水。



不過呢，媽媽既擔心係多餘既!!
第三日少爺仍然係水犬魂燃燒，見海即衝!!



睇住JimJim游水由初初瞪大眼好緊張既表情，
到依家既優哉悠哉樣，真係分別好大。
依家基本上我企係度望住佢就OK，
唔需要叫佢游埋黎游過去，
不過有時候佢俾其他野吸引左，
例如岸邊死魚就要呼叫一下啦。
(唔明死魚點解咁吸引!!!! )

不過咁，雖然唔使叫佢會自己游，
但係我既視線一秒都唔敢離開少爺，
真係要無時無刻昅緊架~



話晒都係端午節正日，當然要食返隻糉應應節啦~
咁當然係人食少爺無份啦!!
糯米係會黏腸架，少少都唔好俾毛小朋友食呀!!!!



最後以少爺開心笑容say bye~
期待下次出遊!!!

[30.05-02.06.2014]