少爺五歲生日

呢兩個月香港發生好多事，
心情亦受影響，已經過左17日。
無論結果如何，仍感動香港有一群勇敢既學生。

= + = + = 跳 回 五 歲 生 日 = + = + =

發完囉唆，回到正題啦~
十月 Jim 家亦有大事，當然係我家少爺既生日啦!!!



10月5日係正日，媽媽我提前做個雞肉南瓜小蛋糕。
重頭戲就係去秘密花園慶生之旅啦~

黎得秘密花園當然要游水啦...
以為上次中秋已經係季尾，點知今次呢兩日天氣都仲又熱又曬，
少爺當然唔會錯過~
可惜媽咪未買新相機，所以今次無泳照啦!!
(反正大家都睇過無數次啦~~~ 哈哈)



今次俾我地遇到剛出世既小唐狗，
小黑 (我地幫佢改既花名) 見到 JimJim 超好奇，
JimJim 亦出乎意料地對小黑好有耐性，
一老(!!! 五歲啦!!!) 一幼玩得幾開心!!!



小小既小黑真係好黑 (<--好似讀緊急口令咁~ 哈哈!!) ，係女仔黎架!!!
唔知係咪因為係女仔，所以 JimJim 先咁有 耐性呢??



雖然已經立秋，但中午仍然好曬同好熱，
到黃昏時終於FEEL到少少涼意。
係碼頭吹涼釣魚就最寫意啦~

有得放繩周圍聞既少爺最開心!!



JimJim，生日快樂！！
五歲既你雖然已經比以前懂事左少少(無錯，只係少少），
而且都仲要曳既時間多過乖既時間，
但係我地一家都會繼續愛你、寵你、錫晒你！！
最緊要係你要繼續健健康康，要一直陪住我地呀！！