[少爺日記] 2015任食放題(寵物展呀!!!)

Hello Everybody!! 我係JimJim啦~

話說每年二月中香港就會舉行全年最大既寵物用品展，
入面有好多我地既野買，仲有無限放題任食，
真係諗到都流晒口水呀!!
今年既就係呢個週末啱啱完左啦~
好可惜媽咪話shopping 呢D野唔啱小朋友喎，
所以完全無諗過要帶我去囉!!!!!!!

佢仲要揀2月14情人節丟低我呢個小情人去，
所以我同媽咪講一定要買多D食既野返來作為補償囉!!!!

結果........... 佢就買左呢D啦~ 媽咪, 算你啦!!



媽咪話最開心係買到件合身既中式賀年衫衫俾我喎，
因為佢成日見到人地D女仔款好靚好羨慕。



仲有買左 PPARK 既胸帶加牽繩組合，呢隻系列係I 字型，
就算會爆衝既朋友仔都唔怕會"介"損"加拿大"位，而且隻顏色好靚咁話。

由於上幾次去秘密花園行山時，本少爺太落力咁行，
行到腳仔都損晒，著鞋仔我又覺得唔舒服，
所以今次見到呢對咁靚既襪仔就買左啦，
媽咪話萬一再整損先幫我套住腳仔喎，
本少爺試穿都覺得OK舒服。

媽咪仲話會場有好多車車任試，都有衝動幫我買架Benz咁喎。
不過佢話等本少爺老D先，依家就買住襪仔頂住先...
呃~ 媽咪...襪仔同車仔差好遠喎!!!

其實呢D咁好玩既地方下次應該要帶埋本少爺去囉，
媽咪唔該下次唔好再咁自私唔帶本少爺去食放題啦~
(媽咪表示: 想太多~~~)