五一連假游水水

話說五一連假 Jim 家又跑去秘密花園，
又係放空、游水、再放空、再游水.....
所以字就無咩，多放相作個記錄。

換左100D後都經過幾次出遊，
今次既相終於有少少滿意啦~
呢次真係無咩後期加工，
希望之後會愈來愈滿意啦~~



雖然未到端午節，天氣已經熱爆，
出發前一日仲話會有可能打風，好彩都係有驚無險。
當日只係間中有驟雨，係屋企附近雨勢都頗大，
但去到西貢雨勢已經變小，再入北潭涌已經無雨啦，地下仲好乾爽TIM~



今次仲去探險，發現碼頭後走一少段有一個小石灘，
石頭都圓圓唔會刺腳，少爺二話不說又衝左落海~



去秘密花園其中一個工作就係洗狗，所以已經有心理準備，
少爺開心就好，無危險就由佢衝~



來回游過幾次都唔上水，繼續浸腳腳涼爽爽，
少爺有得游水就開心到不得了。



終於肯上岸休息下啦~ 笑得幾甜!!



游完水、沖完涼，玩到攰晒影相都唔識笑啦!
咁就乖乖地陪媽咪坐下感受下郊外既清新空氣啦~



其實除左游水，少爺仲會玩下波，不過就唔太熱衷，
來回跑兩下就唔願玩，可能真係太熱啦，
夏天都係游水最爽!! 哈哈~

少爺提醒大家，夏天到啦，
出去玩記住要留意補充水份，
提防中暑呀!!!

[1-3 May 2015]