我都係同大部份既想法一樣，可以重新出遊第一個想去既地方就係日本!!
事隔3年揀左東京，因為... 好想Shopping!!
雖然Yen平，但香港既日本代購無平過，咁即係變相加價，
感覺好唔抵，所以都係自己去買最抵。
3年後既今日去旅行，對我嚟講最大既分別係.....
以前第一件事就係要幫少爺Book定酒店，
confirm左有位先會再book其他野(e.g.酒店、機票..)
今次係請到假就可以行得。
三年無Plan過去旅行，真係唔記晒要做咩咁。
今次試下新玩法，第一次參加 one day tour 去富士山&周邊地方，
其餘就係新宿、澀谷Shopping。
今次請左三日假，加埋星期六日，就係5日4夜之旅。
<關於機票>
疫情後既機票堅貴，我係5月份去既，之前去日本既航班都唔穩定，
所以比起以前真係貴左好多。
加上今次係4月頭先買5月既機票，所以都會貴D。
今次搭CX最主要因為穩陣，貴少少買個保險。
揀左8am機，完全唔記得要早1.5至2個鐘check-in，
咁即係要6點出門口，不過為左爭取多啲時間玩，
但又唔想凌晨機，咁就係呢個時間啦。
<關於酒店>
今次住涉谷，本來想住新宿，但太遲Book啦，
上網搵酒店時，好多已經FULL晒，或者要去到好新好貴既先有房，
所以就揀平過新宿少少既涉谷。
我揀左係涉谷車站行過去大約10分鐘既Hotel Wing International，
普通商務酒店，但位置很好，週邊好多商場、食肆、藥妝店、潮牌名店都有....
雙床既雙人房大約HK$1800/晚，我覺得因為位置不錯，所以是可接受範圍。
同時間如果揀新宿就要HK$2200/晚起跳囉。
<關於電話SIMS卡>
今次在KKday買左張每日流量既日本Docomo/KDDI上網卡，
可以揀每日1GB或者2GB，當然價錢不同。
用後感係OK，日本落機後換SIMS卡，但要等一下(大約15-20分鐘)，
就會自動用到，唔使SET任何野。
接收方面亦OK，完全無收唔到既情況。
上網買一定貴過去鴨藔街買架啦，不過就勝在可以寄埋上門，方便。
講完事前準備，下集開始就係2023年東京之旅 Day 1。
話說呢幾個月都去左幾次日本，之後慢慢記錄。
準備出發!!
沒有留言:
發佈留言