新春錦田遊

近幾年都好流行去摘士多卑利，一直都未有機會去。
今年終於有機會去體驗一下新鮮摘既士多卑利係咪真係特別甜既呢?
某個週末跟朋友們去左位於元朗錦田既「錦田鄉村俱樂部」~

個度都好大下，分左幾個區域: 燒烤區、士多卑利區、寵物區、放風爭區、大草地一片.....
純粹去行下係唔使俾錢既，Strawberry係摘完去磅再俾錢，
BBQ就每位計任食4個鍾，當然要食就要俾錢啦~

因為今次朋友們有人怕狗狗，所以少爺JIM 無份參加
不過雖則話有個寵物區 - 即係有個範圍圍住，
大人可以BBQ，毛小孩自己玩 (寵物入場要俾10蚊)，但係都幾細下，
當日所見個好大既草地只有人類小朋友玩，唔見有毛小孩，
所以唔肯定俾唔俾寵物跑跑，所以少爺JIM 無去都唔太可惜。
不過咁，由於我家少爺其中一樣最愛就係士多卑利，
所以我做阿媽既會落力摘多D作為補償既~

個日天氣都幾好，都唔太熱，有好多大人小朋友忘我咁摘~



個度主要分左3種唔同品種既 strawberry : 法國 ($60/LB)、韓國 (HK$90/LB)、特別品種 (HK$90/LB)。
唔好問我咩係特別品種，因為佢個牌真係咁寫架!!
經過一輪視察之後，我地就決定左平平地既法國都好紅好靚下，就係法國區努力!!



其實純用眼望呢，佢地大部份都係好紅好靚下既，不過用手摸，
你就會發現有D其實好熟好軟...
所以一定要好用心先摘到又紅又大又靚既士多卑利架~
經過一小時既努力，呢D就係我既戰利品啦~
盛惠60大元 (剛剛1 LB)。我覺得應該平過係超市買!!



其實當日我地都有BBQ，D野食都OK，
品種都係通常有既野，丸呀、扒呀、雞翼呀....
由於個日仲係新春期間，每位$128，平日去好似平D，
作為一個一家大細去消磨一日既週末節目都係唔錯既選擇!!
最後返到屋企當然要進貢少爺我既戰利品啦~  



因為我揀既都係比較紅同比較熟既Strawberry，所以都幾甜~~


<玩樂info>
錦田鄉村俱樂部  www.yl.com.hk/ktcc