麵包狂熱 ~ On Fire!!

繼續整麵包狂熱!!

今次試左快速功能，只需2個鍾就做好既「蜜糖抺茶葵花籽麵包」~ 

明顯個包既體積係細個D既，我諗係因為發酵時間短左既關係?! 
(普遍既「麵包功能」需時4.5個小時，足足短左2.5小時喎 !!)

今次呢個口味係需要用蜜糖，所以就唔使再加糖啦~
(註: 因為家裡習慣用黃糖，所以一向做既都唔係用白砂糖，唔知味道有無分別?)
而今次用既係蜜糖就好明顯有淡淡甜香味，
加上有淡淡既抺茶味 (只係淡淡因為落得少，綠色欠奉)
比普通黃糖口味更好 !! 

選用左「快速功能」就無得揀麵包焗出黎既深淺色度，不過都好金黃，good!!
由於我家少爺都有份食既原故，所以我都對材料份量作出調整。
調整份量後人係絕對食得落既 (唔會淡都無味)，當然口味比正常份量係清淡左D啦~

~~~ ~~~ ~~~ ~~~ ~~~ ~~~ ~~~ ~~~ ~~~

由於想試下用相同既材料，但唔同既功能做出黎會有咩分別，
所以就再做下呢個「蜜糖黑芝麻葵花籽麵包」~

 

實驗証明，發酵耐D麵包體積真係會大D既!! 

表面顏色選左標準，比上面用快速既明顯係深色好多喎~
外皮質感呢就差不多，都係脆脆地~ LIKE!! 
內裡質感方面，本人就覺得快速功能既比較實，麵包功能既就比較鬆，
結論係，時間許可我比較會用「麵包功能」。

 = + = + = + = + = 同。場。加。映 = + = + = + = + = + =

每次差不多焗完既5-10分鐘都會發出非常香既麵包味， 
此時，我家少爺就會不時來回廚房同客廳留意住幾時「叮叮叮」出焗。
跟住就會係廚房監察住整個出焗過程，
深怕佢阿媽我唔預佢個份，又或者怕個麵包會叮一聲消失左咁!!
以下既肉緊表情係每次都會出現既~ 我已經見慣不怪囉