麵包手作筆記

(注意: 全篇JimJim既相就只有一幅架咋~ )
又係時候幫自己記錄一下整麵包既筆記~
今次都係3個口味，係呢2個星期試過覺得不錯的。

第一個係「奶茶葵花籽麵包」
 


其實我係根據一般麵包份量既140ml水改為奶茶，
睇成品既顏色就知奶茶味唔夠濃，
只係有少少奶茶既香味，下次要沖濃D。
其實奶茶應該可以改咖啡口味，等我下次試一試。

第二個係「芒果牛奶核桃麵包」



呢個係跟食譜做既，所以成品非常OK!!
本來食譜指明要用罐頭芒果，
但係本人對罐頭水果不太喜歡，一來有防腐劑，二來又有糖水(太甜)，
所以一於當睇唔到個句，用新鮮芒果來做。
不過我就自行調整左水既份量，因為怕新鮮芒果本身都係有水份，
所以原來既140ml水(外加牛奶)就改成120ml水(外加牛奶)，牛奶份量跟足。
結果出來既效果非常好，顏色因為芒果成份而變得比普通既深色。
食既時候有芒果既香味。
我覺得芒果應該可以改做其他水果，等我諗下先。

第三個係「藍莓乳酪核桃麵包」



乳酪麵包已經整左好多次，亦成為我最喜愛口味之一~
因為成品比普通唔加乳酪既更鬆軟，而且食落味道都豐富D。
之前都係用原味既乳酪做，今次試下用Blueberry。
waaaa~ 本人覺得非常好味，食落淡淡既Blueberry味道真係無得頂。
下次再試下用第二種口味既乳酪看看~

有興趣可以試下 (1LB 份量):
高筋麵粉  ---  250g
酵母粉  ---  3g
水 ---  140g
鹽  ---  3g
砂糖  ---  25g
牛油  --- 20g
乳酪  ---  50g

= + = + = + = + = 題。外。話 + = + = + = + =

最近之前寫的麵包機敗物文瀏覽人次居然有5XX，真係嚇左一跳!!
我估係最近想買麵包機既人多左，所以search 相關資料而來到少爺家。
其實我買左之後都誘導左5個親戚朋友買，
哈哈哈哈哈哈~ (勸敗技巧一流 )
如果有commission 收返就好囉 (發夢ing~)