搬家後感

由Yahoo! Blog 搬來呢度都差不多2個月啦!
終於完成左成個搬家程序，以前既留言可以再現啦~

其實都大概適應 Blogger 既介面。
有幾樣之前一直唔明既 function 都大概知係咩，
所以想係度同大家交流分享一下。


我遇到既第一個問題就係個人檔案既設定，
究竟Blogger 定 Google+??
 


一開始我係將網誌(Blogger) 連到Google+ ,
不過當時根本都唔知有咩分別。
連埋左兩個之後，你既所有野(同blog有關無關都好)，
都會以Google+既身份去表達，咁即係點呢?!

簡單來講，如果你兩個profile 係完全一模一樣當然無問題啦，
但係如果好似我咁，Blogger 係用JimJim 既身份，
而Google+就用自己既身份的話，就會有D麻煩勒。
例如當留言既時候，人地唔會知我係咩水，亦唔會同你相認到。

但係其實係可以唔連埋一齊既，
我依家就無再連埋一齊啦，
所以Blog又可以變返做 JimJim 啦!!

我暫時發現到最大兩個唔連埋一齊既好處:

當兩個身份連埋一齊既時候，

對方按你既Profile (or Profile icon) 既時候，

就會redirect 左去你既 Google+;

相反兩個身份分開左，

就會redirect 去你既Blog (前提係你要用Blogger 身份 join network/follow)。

有咩好? Umm….我覺得Link去Google+無咩野睇，Blog 多野睇D!!

對方亦方便可以反追蹤(??) 返你個Blog!!  哈哈

再者，Blogger 同 Google+ 身份分開，

Blog 可以有自己既閱讀清單 (<--呢樣好野黎!!)。

同Follow 朋友 既Google+ 係唔一樣架!!

如果朋友無係Google+ share 新 Blog 文，

你係完全唔會 alart  到，一定要去Blog 先會知道!!

相反，Blog 既閱讀清單係直接記錄Blog link 既，

只要去 blogger home 既時候就會顯示閱讀清單，

有咩好?

只要你以Blogger 身份join network/follow其他人既Blog，

只要對方有咩更新，就會自動 update 係你既閱讀清單度!!

咁有新Blog 文就會好快知啦~~~

仲有仲有!!

就算對象用既平台唔係blogger，例如wordpress之類，

又或者對方無加「追蹤網誌」function，

只要按新增，手動打上網址，都一樣可以加入清單之內。

呢樣以前yahoo blog 就好似做唔到啦!!

 
不過話分兩頭，
我都覺得blogger 有D function 係唔及Yahoo! Blog，
例如Blogger既數據，即係流灠人數，
無論係成個 Blog，或者係每篇 Blog，
都總係覺得怪怪地咁，
而且亦都唔可以顯示係每篇 Blog 度，
唔知你地又覺唔覺呢?

仲有一樣最唔好，
就係以前會知道有咩朋友仔探JimJim，
有時候就會因此發現好多有趣又吸引既Blog，
依家 Blogger 都唔知邊個來過，想去拜訪下都唔得勒!!
所以如果大家來探少爺Jim,
歡迎留言等我地可以探返你地嘛!!

如果各位有更多新發現，歡迎話俾我呢個阿笨知!! \(o^ ^o)/


(分享完畢。)