JW 藏食骨之一定要食到為止!!!

話說十月份係黑仔月，終於都過去左啦!!
點解?? 因為周身有問題囉!!
先來氣管敏感，再來就係撞親左眼，
睇醫生先知原來眼角膜都撞損左，
好彩既小事，會自然愈合。
不過呢，就要係屋企休養囉!!

所以搞到 JimJim 要陪佢阿媽一齊係屋企發霉!!
咁慘又咁孝順(??)就買樣玩具獎勵下啦~

依家買 D 布類既玩具俾佢玩，
5分鐘就會完成分屍，10分鐘就會拋低唔再玩!!
上次買左益智玩具俾少爺，佢都好似幾LIKE，
所以都係買 D 有得放野食既益智玩具可能玩耐D!!

(可以重溫 => 漏食飛碟之有無咁想玩呀??!! )

今次買左 JW Megalast Bone (藏食骨)



上圖及以下段本字均引用艾米克iMeek Dog's 的介紹:
JW最新系列Megalast，這系列是JW唯一在美國當地製造的玩具，使用環保可回收、安全無毒無味且耐用耐咬的熱塑性彈力乳膠，彈性佳韌度強，並散發淡淡的香草味，沒有一絲橡膠味。



少爺呢個係 Citysuper 買既, 係 M size,
好似$89 (唔係好記得，不過台灣平好多呀!!!)。
不過我就唔覺有佢所講既「淡淡的香草味」(>"<)，
但係都無橡膠味既~ (始終Made in USA??!!)

由於設計有不同既凹槽，所以可以塞D食物落去，
然後俾狗狗舔，因為凹槽大小都有幾種，
所以唔同位置，難度亦唔同，
總知要食到都要花 D 時間架!!

少試牛刀，擺左粒零食係最邊邊個格，睇黎係高級難度!!
(中間應該係初級難，外圍較長既凹槽就應該係中級難!!) 



玩玩下少爺突然擺個貴妃 POST~
好可愛啦~  \(>///<)/
暗示準備長期作戰!! 無論如何本少爺都會食到既!!??
最後用左30分鐘先食到!!

不過要無咩其他引誘出現，
JimJim先會專心咁多點都要食到為止。

睇台灣BLOG用家係直情放濕既鮮食，
再放雪櫃冰，足足食左一個半鐘!!
不過就會有「食到周圍都係」既危險，
事後媽媽就要清潔一輪!! (>"<)

等我下次都試下呢個玩法，
又睇下少爺會唔會咁好耐性!!