與水為伴

最近呢個星期不停落雨，仲要下下黃雨咁厲害，
睇來都會發霉一排囉~ 
係時候補返五一假既出遊照啦~~

= + = + = 跳回出遊當日  = + = + =

因為怕五一超多人，所以忍到隔幾日後先去玩，
點知真係意外地無平日週末咁多人，
唔通其他人喪玩完仲係屋企休息緊??!!
咁就好啦~

當日時晴時陰都非常適合郊遊，
當然因為我家少爺水犬性格，
所以.... 活動都。都。都。係游水!!!

以下游水照如有雷同實屬必然!! 哈哈~
我電腦 hand disk 都有成千張!!



唔知係咪媽媽有怪癖(?) 特別 LIKE 影少爺水中屁屁，
兩隻粉紅色小短腿撐下撐下好可愛!!!



轉個角度都好有睇頭 (屁屁太大!!!) 哈哈~~

(謎之音: 睇來唔止有怪癖，仲要係好嚴重個隻!!! =.=")



為左照顧正常(?!)讀者，正面 chok 樣當然都要放一下啦。

仲有，今次終於影到少爺既甩水 醜樣 英姿啦~~



因為我家少爺既 孤癖 浪子性格，
去狗狗泳池游水根本係無可能既事，
去到應該會嘈交多過游水
唯有每次都山長水遠投入大自然既懷抱。



雖然係遠左D，
仲要佢阿媽每次都晒甩皮，
但係少爺可以無束縛狀態游水，
仲有藍天白雲陪伴，
真係狗生一大樂事!!



接住成個夏天都應該繼續水著照不停囉~~


＜＜＜　郊外游水小心得　＞＞＞

去沙灘石澗游水當然一定都有風險，
如果浪太大就唔太適宜，
連JimJim既水犬性格，見到太大浪都會唔肯落水加黑面走人架!!

另外，亦聽過唔少狗狗去沙灘玩之後因海水入肺而病左，
所以如果有浪既時候，就建議最。最。最。好唔好玩拋接遊戲，
因為一唔少心就會吸入左海水架啦～

當然小妹唔係獸醫，亦唔係養狗無數既達人，
呢D只係小妹既小小出遊 tips，
希望大家出門玩得開心又放心啦。