[敗] 少爺御用 Canon 100D

上次9月出遊時相機退休了...........
之後少爺生日都只可用iPhone 頂住先。
對於成日覺得自己個仔好靚仔既阿媽，
加上要留住每個同少爺出去玩既珍貴回憶，
一部相機真係必不可少!!!!

之前用開個部係 Olympic 可換鏡小相機，
今次換新... 就諗再買同類型小巧既好呀,
還是買部質素高班D既單反好呢?


咁其實如果有心既，我諗單反影出黎既相一定係會靚過小相機，
所以最後就決定左買單反，重新學下影張靚相啦!!!
選 Canon 100D 係因為比較輕，女生合用，而且價位不太高!!
唔揀白色因為要扮PRO...不過買完返到屋企已經有少少後悔啦~ 哈哈!!

老實講，我對相機知識真係BB班!!
都知道咩叫光圈、ISO既，主體清背景糊叫淺景深呀嘛.....
不過點曝光呀個D呢.. 真係半桶水都無呀!!!
唯有慢慢學啦~

= + = + = + 首 次 習 作 分 享 = + = + = + =

新機試玩當然要御用 model 出來show 一下啦~
室內慢慢調慢慢試，都唔錯喎!!! (自我感覺良好中!!)



再請 model 專業D，來個迷人笑容先!!



戶外試機就選左一個風和日麗既週日來到迪迪尼~
原來影張稍為滿意既相真係唔容易!!!



(最近迷上TsumTsum >"<，好想買晒返屋企!!!)



室內轉室外要切換咩設定呢?? 真係好頭痛呀!!!
好似天氣好影出黎既顏色果然靚D!! (我無PS架!!!)



適逄聖誕節前，夜晚又有光影巡遊，五光十色巧靚!!!
我影既夜景好似都合格卦~ 起碼無鬆郁朦啦!!!

睇黎要影張靚相真係要努力D練習啦~

開個攝影習作分類，之後將小妹既習作或者少爺既沙龍照跟大家分享~