台北溫泉Hea之旅2016 - Day 2 台北101大樓/ 鼎泰豐/ 三井林口outlet/ 品川蘭

由於Jim婆婆係第一次嚟台北玩，
所以有啲地標景點係點都要去一下既。
其中一個就係台北101大樓啦。

小妹上次嚟既時候捷運「台北101/世貿」站仲未使用，
係坐公車再行一段路先到。
今次搭捷運一出就已經到左101既樓下，好方便。



參觀完之後已經好肚餓，
因為起身晏左，所以早午餐就一齊食啦!!
其實101大樓下面有food court，不然就要再行遠啲去到新光三越，
因為懶得行就決定去鼎泰豐啦。
老老實實，台北既鼎泰豐好似真係好食啲咁，
而且侍應們非常有禮貌，主動問我地係咪香港人咁。



食飽飽就開始下一個行程，就係shopping啦~
話說上網睇BLOG plan行程時發現到原來台北都有日本人開既outlet，
仲話幾多日本品牌，所以就決定要去一轉啦!!
Outlet 係林口區，係台北車站 (國光)搭1210 號，
台北麗都落車對面就係。
詳細介紹及交通可以去website睇下「Mitsui Outlet Park」



但係小妹既逛後感係....有少少"瀨野"~~
因為係有啲日本品牌，但係買既貨唔係日本outlet咁新，真係好舊款下!!
運動用品都有啲比較新既貨，好少少。
結論係... 打算去既朋友真係有時間就去下無妨啦，
無時間的話絕對可以skip!!

我地大概四點多到達，行左兩個鐘左右，已經想走啦!!
之前已經想食「品川蘭」既牛肉麵，
原本plan 行完101大樓去忠孝東路食，不過太懶結果無去(食左鼎泰豐XD)。
原來outlet 既food court 有得食喎，雖然就唔係正店，
不過應該都有啲水準卦，所以就決定係outlet 食埋先走啦。



當然要試佢既招牌「Prime肋眼牛扒麵」啦!
牛扒好軟，湯底亦非常清甜，好食!!
跟傳統牛肉麵的確有少少唔同，感覺新鮮。
Jim婆婆試佢既傳統牛肉麵都好味，就跟傳統既一樣囉~ XD
食飽搭返1210公車返台北車站。
因為時間仲早又係西門町逛左一陣先返酒店。

就係咁完成左Day 2既行程，
要早啲返酒店執行李啦。
因為 Day 3 就去北投既溫浸溫泉啦。