2013暑假夏令營 - 石灘晨泳篇

上篇講到食過早餐之後，就係去游早泳既時間啦~~~
一見到水 JimJim 就開心到不得了，
經過今次夏令營絕對可以肯定.........JimJim 係水犬來著!!!


 

媽咪企係岸邊，JimJim 享受晨泳樂~



 



來回游大概45分鐘，自己游夠了就上岸囉~
石灘雖然無沙灘咁平坦，而且要先由佢阿媽我將隻豬仔抬起，
行一段石仔路先去到水邊，三十幾度之下都咪話唔甘!!

之不過石灘無風無浪，可以放心俾少爺自己游來游去，
又唔怕會太大浪將少爺湮沒兼飲到海水， 所以辛苦D都係值得既。
(之前係FB見到有毛小孩話去完沙灘游水之後， 因為肺積水就去左彩虹橋，都咪話唔驚驚!!)



其實呢度係無 network 覆蓋架，
所以係收唔到 moblie call、無wifi、無FB、無whatsapp......
不過咁樣反而更似渡假、唔會只掛住低頭望電話，而浪費左眼前既美景!!



除左游水，其實都仲會行下山、釣下魚、吹下海風、仲有陪 JimJim 周圍聞.....咁啦~



釣魚時，JimJim都會識得搵陰涼處休息，好聰明呀!!



石灘晨泳之後就返去沖水晒毛，食過午飯小休一下，等下午再去沙灘囉。
渡假嘛~



下篇向海灘進發~ Yeah!!

(未完。待續)