中毒太深之 Le Creuset

上篇講左第一種係煲劇毒，過左一星期都差不多消退。
今篇再來分享第二種毒，就係「Le Creuset」毒!!
其實 LC 鍋係主婦界都已經紅爆左兩年，
雖然小妹並唔係主婦，但就係一名宅女，亦喜歡煮下野食，
所以一直都被 LC 鍋所吸引。


觸發今次中毒太深事件，事源家中用開既炒鑊舊左係時候要換，
加上一位好姊妹最近不停分享佢 LC 既成品，
仲要話俾我知 8月做緊Promotion，2件30%off、3件40%off 。
真係忍唔住要去睇下啦!!!

就係咁就買左我第一、二件既 LC 鍋，仲有一D配件。
同之前買落既心心陶瓷碗，登登登.... LC正式入侵小妹既廚房啦!!!

今次買左 26cm Round French Oven (Caribbean blue) 、 26cm Marmite (Flame)。
LC 鍋既顏色真係好靚，令煮野食都變成一件色彩繽紛既開心事。



急不及待用白琺瑯鍋底既 Round French Oven 整大蝦粉絲煲。
因為鐵鑄鎖水一流既特性，果然比一般用開既廚具完成時間快Ｄ。
再來試做 LC 既名菜之一 --- 無水蒸雞翼，超成功!!!

相中所見有少少焦咁，用LC既軟鏟輕輕鏟下就已經OK，
一D焦燶既情況都無，清洗非常方便!!!



再來用 Marmite 炒小棠菜，效果OK (媽咪話唔覺有咩特別喎 )
據 LC 店員姐姐講 Marmite 最得既係炒蝦蟹等海鮮，遲D一定會試下。



用心心陶瓷碗做海鮮茶碗蒸，非常容易效果好好，
見到個外表已經加多幾份好感， 真係好靚靚。

= + = + = 用 。 後 。 感 。 = + = + =

好多人既評語話佢太重唔好用，我就覺得佢既其中一個特性就係因為佢係鐵鑄，
鎖水儲熱功能一流，亦係佢最大既優點。
咁當然有好處就會附帶一Ｄ缺點，總不能只能接受好既一面，
不過當然覺得佢既好處抵唔過佢既壞處既話，咁唔買佢絕對合理。

小妹真係俾佢既顏色外表吸引，加上暫時煮出來既野都唔太差，
所以呢種毒應該會持續落去!!

睇好多BLOGGER都係開始買之後就會上癮，但係小妹個廚房真係太太太細，
要再生D空間出來真係無咩可能，所以.... 暫時都無辦法再買囉!!


P.S. 我所試既LC 食譜都係網上超人氣BLOGGER 提供架， 大家可以上網搵下!!