2013暑假夏令營 - 海灘踏浪篇

幾日夏令營，當然要有沙灘暢泳既環節啦~
對於水犬 JimJim 來講真係開心到不得了。
不過就係要陽光與海灘先叫夏令營嘛~ right?!

= + = + = Day 2  。南 。 風 。 灣  = + = + =

一早預左夏天會有超多遊艇加超多人去西貢既海灘，
但係點知真係多到可以用 mountain people mountain sea 來形容!! XD 
 四點都仲有十幾二十隻遊艇係海面。 
 沙灘叫南風灣，位置大概係糧船灣內海近萬宜水庫水上活動中心附近。
由於唔可以直接上沙灘，船駛到比較近沙灘既地方就要係海中心跳水再游上岸。
亦都因為咁，所以帶唔到相機影相，唯有簡單文字記錄。

(媽咪要顧 JimJim、顧包包、再顧埋相機唔沾水的話，就顧唔到自己啦~~~~~)

呢日超大浪，好彩有帶定救生衣俾JimJim著，
一放少爺落水，佢就好似著左摩打咁，一直游一直游，
佢阿媽我追係後面，前面就有Jim婆婆係沙灘上呼喚，
少爺先不至於游左出公海，佢係快到我想追都追唔到個隻!!

其實之前都來過幾次呢個沙灘，感覺今次多左好多垃圾，
希望大家要保持環境清潔，帶來既垃圾要記得帶走，
唔係我怕下次再來既時候變左垃圾灣就唔可以再游啦!!

= + = + = Day 3  。 白 。 腊 。 灣   = + = + = 


呢日唔係假期，但係都可以有十幾隻遊艇係海面，
點解咁多人都係放假既??!! (羨慕+疑惑ing)





白腊灣係步行可到既距離，所以有帶相機啦!!
記得3月尾既時候，路過白腊灣就應承會再帶少爺來游水，總算佢阿媽我言出必行!!

回顧一下 ==> 復活節假長征

過同南風灣一樣，今次多左好多垃圾係岸邊!! 唉~

 

 

算吧啦，催眠自己睇唔到D垃圾 ，白腊灣果然係水清沙幼既熱門沙灘!!! 
好彩沙灘夠大，雖然人多了點，但都唔覺得擠迫。

呢日D浪終於細返D，又唔使游出公海，JimJim 唔使著救生衣囉~



聽到媽咪既呼喚，迫不及待游過來。
太陽晒到變左瞇瞇眼~

  

游完一輪，當然要陪媽咪沙灘慢步，浪漫一下啦!!!



玩到差不多六點多，大小人狗都夠本，就打道回府囉。
過三日喪游喪玩之後，第三日黃昏既JimJim終於露出疲態。



安安靜靜咁陪媽咪睇日落，當日晚餐寧願窩係床上面都唔等大家食飯嚕!!



最後一日少爺晨泳過後，食完午餐就要執包包，係時候講 Bye Bye 嚕。
四日三夜話咁快就過左，又要返去人多車多 whatsapp 多既現實世界啦!!
最後送上 JimJim 少數企定定到此一遊照，希望快D再返來玩啦!!



2013暑假夏令營大成功!!!




( ~ 完 ~)