中毒太深之煲劇 (步步驚心)

 《圖片來源: 搜孤娛樂 Sohu.com》
最近中左兩種毒，第一種已經好返，第二種睇怕只會愈來愈嚴重。
講第一種先….就係「步步驚心」毒!! 哈哈!!




《圖片來源: 步步驚心官方網站 http://bubujingxin.net》
 

話說前排翡翠高清台深夜時份播出內地劇「步步驚心」 (依家仲播緊)，
呢部劇已經兩年前架啦，之前都知道紅爆中港台東南亞，
但係因為小妹有個習慣，就係一上癮就非要一氣呵成睇晒為止，
亦自知如此，所以都一直無上網睇呢套劇。

終於電視播咁無理由唔錄來睇 (咩道理呢? XD)，
第一個星期播左3集，星期六一口氣睇完，點知….
不得了囉… 真係忍唔住上網繼續追，全劇35集，用左5日終於睇晒!! 呼!!

《圖片來源: 搜孤娛樂 Sohu.com》 

此劇稱為清穿劇 (即係清裝穿越時空為題材既電視劇)，
改編自桐樺小姐既同名小說，
清裝劇一向服裝華麗，排場十足，此劇亦不失所望，
劇中各人既服裝頭飾華麗不在話下，連阿哥們既介指玉配都一絲不苟，
再加上紫禁城既四季變化，夏時賞菊，冬時賞梅的景色，真係好好既視覺享受。


《圖片來源: 步步驚心官方網站 http://bubujingxin.net》

 

至於劇情嘛，就係圍繞「九王奪嫡」既歷史既愛情故事， 

一個熟知歷史既現代女仔，穿梭於幾位阿哥身邊，

雖然知道每個人的結局，但就不知道自己既結局。

其實小妹覺得若曦由最初喜歡八爺而到後來深愛四爺，

可能有部份原因就正正因為若曦知道八爺既結果是悲慘而卻步，

反之四爺係歷史上最終能繼承皇位既人，但如此就能保証二人既結果一定完美嗎?

 

《圖片來源: 步步驚心官方網站 http://bubujingxin.net》

作為一套愛情劇，步劇非常稱職，若曦與八爺既相戀、與四爺既相愛，

由第31集開始，小妹就忍唔住每集都喊到不得了!!

小妹全劇最喜歡的一幕，莫過於係四爺於雨中為若曦擋雨，

四爺個表情呢，真係殺死人呀呀呀呀!! (好明顯我係四爺黨!! XD)

 

《圖片來源: 搜孤娛樂 Sohu.com》

除愛情部份，全劇均鋪排用心，例如八爺因何會對付四爺、

玉檀既真正身份、王公公阻止若曦於營中為八爺求請的一幕幕，

根本就有著前因後果、千絲萬縷的關連，睇到最後幾集劇情一一道出才仿然大悟。

好耐都無為左一套劇而夜瞓啦~

仲要睇完之後個幾日個腦仲不停播住首主題曲《一念執著》同片尾曲《三寸天堂》，

咁仲唔係中左毒!!

(想聽可以去官網試聽下蛓  http://bubujingxin.net)

至於第二種毒.... 要另開一篇再講!