濕身追月之旅

呢次追月之旅其實早於一個月前已經安排，大家都滿心期待。
點知又再次被天氣打亂，今次係超強颱風「天兔」!!
貫徹一向唔理得咁多既作風，決定呢次三日二夜之旅出發左先再算。




星期五出發，當日真係晴天 + 酷熱都不得了!!
個海都風平浪靜，唔通係暴風雨來臨既先兆??!!

順利到達西貢，酷熱天氣警告生效!!
話明係濕身之旅，當日要去過下冷河啦~



終於可以係夏天完結前多上次游泳課啦!!
水犬JimJim一見到沙灘已經發出"嗯嗯"聲，
一放繩已經「投奔怒海」!!



呢類游水照真係多到都唔知第幾張啦。XD



游完返上岸，幾開心!!
就係為左見到呢個滿足既笑容，不枉無視天兔來襲!!

夜晚當然要賞月BBQ啦~
當晚係追月夜，初時月亮姐姐失左蹤，
後來終於响山後面爬出來啦!!



郊外賞月份外圓，仲有好多星星架!!
當然有帶自家製月餅俾少爺賞月啦~



第二日，因為好大風加潮漲有浪，
所以無安排游泳節目囉，玩波波一樣開心!!





天氣預報風暴消息，
預計星期日天氣會急速轉壞，海面會有大浪，
考慮到安全，最後都係提早一日打道回府囉~

追月濕身之旅完成!!

過埋中秋，今年應該唔會再游水啦，
水犬JimJim要等來年夏季先再有得再濕身啦~~~~~~