不再少年時之少爺四歲牛一

Hello, everybody!! 我係 JimJim 呀!!
剛過去既星期六係本少爺四歲牛一大日子，
媽咪專登做大餐同我慶祝呀!!
佢仲capture 左個日既 BLOG 話要來紀念一下!!




因為媽咪上星期出差北京去，
返來就氣管敏感仲病左幾日，
所以出去玩慶祝既節目就要押後囉~

唔緊要!! 最緊要係牛一要有好料食啦!!
生日主菜係本少爺最 like 既雞肉三文魚什菜丸，
媽咪話生日慶祝，點都要擺靚D，影張相喎。



生日梗係要有 Birthday cake 啦!!
媽咪話今年要新嘗試，用麵包機整個南瓜蛋糕俾我喎。



Birthday cake 個樣雖然就唔及街買既咁靚咁 colorful，
不過材料健康又係媽咪親手做，
又香又鬆化，愛心搭夠啦~



本少爺非常俾面，唔晒2分鐘食晒個主菜啦!!



蛋糕就要分兩日食喎~
因為食蛋糕個樣太狼狽，
為左保持本少爺形象唔公開得勒!!


媽咪話貶下眼本少爺就已經四歲，
對狗狗來講已經不再少年時喎。
好快就骨頭脆，叫我要聽話，唔好再跳梳化喎!!

媽咪又話只要我開開心心、健健康康陪佢耐D就夠啦，
唔使好似電視個D明星狗咁多材多藝，
咁就好啦，我會繼續以食、瞓、玩作為我既人生宗旨，
盡量試下唔跳咁多梳化啦!!