Le Creuset 煮物分享

又係時候記錄一下我既LC毒況啦~

其實9月21-27日係LC一年兩度既開倉大日子，
如果你係LC Fans 一定會為此瘋狂緊張，
好彩小妹我毒性尚淺，
因為咁巧個星期好忙，
所以只有一日放工後去行返轉，
去到已經係6:15啦!! (7點鐘就完場關門)
最後係完場前買左個 20cm round。




= + = + = 開 倉 之 旅 完 畢 = + = + =

其實寫呢篇主要係記低買左LC後小妹真係有下廚多左，
試新菜式多左架!! 所以要入正題啦!!

用左20cm round 來煮左「清酒煮花蛤」。好味呀!!



再來22cm round 既「薯仔炆牛助骨」，
已經係第 N 次整，所以無咩難度。



仲有甜品「梳乎厘」。
做法係上網搵既，都幾簡單。



不過攞出焗爐時失手，所以無左成品樣囉!! (無奈）
我覺得質地麻麻，要整多幾次再改良一下D份量。
改良後再分享食譜啦!!

以上，記錄完畢。