我家少爺Jim ☆ JimJim the Corgi ☆

2013年4月12日星期五

最近既天氣真係好討厭，落雨落不停!!
洗左既衫乾唔到，就連JimJim都無得去玩。
就算落街散步都想"拿拿聲"，見少爺放低左幾両就想立即帶佢返屋企。

呢個復活節假期一早已經安排好家庭樂3日2夜離島行，
點知。。。期待已久既日子終於來臨~
一齊黎湊熱鬧既仲有陰天、雨天、同風先生，太陽伯伯放假去了~
不過，陪少爺去玩少少風雨係嚇唔到我既!! 一於無有怕，照去!!

繼續整麵包狂熱!!

今次試左快速功能，只需2個鍾就做好既「蜜糖抺茶葵花籽麵包」~

明顯個包既體積係細個D既，我諗係因為發酵時間短左既關係?!
(普遍既「麵包功能」需時4.5個小時，足足短左2.5小時喎 !!)

最近Panasonic 既自動製麵包機終於係香港有得賣啦~
雖然只得一個model, function 亦只有13種 (8種麵包、3種麵糰、2種點心)，
比起台灣最新既models有30種function 仲差一截，
不過起碼唔使轉火牛，用預約功能插住個火半一晚／日都會覺得放心D....

近幾年都好流行去摘士多卑利，一直都未有機會去。
今年終於有機會去體驗一下新鮮摘既士多卑利係咪真係特別甜既呢?
某個週末跟朋友們去左位於元朗錦田既「錦田鄉村俱樂部」~