[2024。春] 靚女鄰居

同大家介紹一下我既靚女鄰居....

佢叫Olivia～ 

係附近鄰居放養既喵喵。

呢度啲喵好自由既，鍾意去邊度玩就去邊度，唔好諗住會管到佢地呀！

初二英式行花市

 

年初二去左屋企附近既Garden Centre逛下，當係行花市大運！😎

Garden Centre 除左園藝用品、花卉、種子之外，仲有賣家品、戶外傢俬、運動服裝等等。

仲有Cafe、butcher。

 

 

呢度好多唔同品種既玫瑰，好靚好吸引!!

好多人都會係Cafe 食個lunch，吹下水，咁就消磨左半日。

當日我都食個 cod & chips 為呢日初二行花市活動畫上完美句號。

2024 龍年。恭賀新禧！！

祝各位龍年萬事如意、大吉大利！
每年農曆新年前都會去花墟買年花，蘭花、桃花、櫻花都係必買。
因為今年過一個不一樣既農曆新年，仲有好多鎖碎事要處理，所以簡簡單單買左蘭花、銀柳、洋水仙應節一下。

2023年8月初。京都大阪遊

5月時去左東京，心思思8月再去左京都、大阪。六日五夜。

Day 1 - 香港。京都

今次都係搭CX，航班預計3:30pm到關西機場，排隊過關等埋拎行李，最終要差不多4:30pm先去到JR站搭車離開機場。8月初新開左Haruka Express，可以由關西機場直達京都，所以今次就試下。Haruka Expres 車身＆車箱入面都充滿住 Hello Kitty，可以打卡影相。坐既人唔太多，坐位都好舒適。坐左大概1.5小時就到京都站。

2023年5月 。 初夏東京之旅

開關後既第一次東京之旅，總共五日四夜，今次既重點係富士山＆Shopping。

Day 1  －香港。涉谷。上野

落機入境都唔快，所以去到涉谷既酒店已經差不多4:30pm，放低行李就即刻去第一個地方 ---上野。上野既阿美橫町係買平野既好地方，藥妝、日常用品、綠茶零食都有，我就買左一堆藥妝＆零食。一場去到上野，當然唔止買平野，就係去食開業260年既鰻魚飯名店‥伊豆榮。上野有兩間伊豆榮，一間係上野本店（一橦七層大樓），另一間係上野恩賜公園入面。我今次去既係七層本店，鰻魚飯好食，亦坐得舒服，可以遠眺上野公園。

2023。5 初夏東京之旅 - 關於旅行

3年疫情終於"暫"(?)告一段落，世界各地都重新開放返。

我都係同大部份既想法一樣，可以重新出遊第一個想去既地方就係日本!!

事隔3年揀左東京，因為... 好想Shopping!!

雖然Yen平，但香港既日本代購無平過，咁即係變相加價，

感覺好唔抵，所以都係自己去買最抵。

花藝自娛作品分享

御用model 攝於2020年6月

之前講過花藝師課程既艱辛之後，今次分享一下學藝後我自娛既作品啦。

以前覺得去花店買一束花起碼都要$400-500 好貴，

有左花藝技巧同知識，製作花束就得心應手啲，

閒時既作品都係隨當時季節、心情、喜歡顏色選配，

正所謂豐儉由人，普遍size既平均一束成本不到$500，

感覺好抵。 今次同大家分享我一部份既成品，唔知大家會喜歡邊款呢？

道別太難

跟對上一個Blog又已經過左兩年半了... 

點解明明上次話要重拾寫Blog，然後又突然消失??

因為我最愛既少爺係2021年4月離開左我去當小天使了!! 

兩年半過去，終於可以睇返以前既Blog... 

之前根本係無可能睇返，我諗呢種心情係養過、失去過既先會明白、體會。

其實今時今日我都唔係好想接受呢件事，

不過總算現在想起少爺唔會再好似開左水喉，喊到收唔到聲 >"<

亦慶幸有將之前同少爺一齊既美好時光記低，

成為今日回憶既一部份、生活既小養份。

閒遊迪士尼 (2021/3)

話說有迪士尼奇妙處處年票，

閒時週末就會去逛下Shopping，

通常都唔會排隊玩下機動遊戲架啦，

主要都係行下食下影下相咁，

因為覺得比行一式一樣又迫既Shopping Malls 好好多，

所以都係一個經常性放假活動。

2021年花記

年廿九剛買回來時還未開

2021年既農曆新年我都有買年花佈置家居，

今年的桃花和日本櫻花都好靚~

花藝師之路

重開BLOG其中一件想要記錄低既事，

就係舊年我成為了一位花藝師~ 

用了一年半時間，總算達成了一個小目標👏

一直喜歡花，覺得係屋企可以擺放鮮花會令住係入面既人都開心啲。

其實花藝都唔係一個便宜既興趣，直到2018年覺得現在既自己條件適合，

於是就認真想實踐起來。

少爺生日 邁進雙位數 10&11歲啦

 

11歲生日  2020.10.5

上年既生日，阿媽又「的」起心肝整生活蛋糕俾少爺，

雖然我知道無論整成點，JIM都會好開心好賞面食晒❤

仲佈置左個小型背景~

我既少爺請你健健康康，俾我照顧你耐啲

愛你一萬年❤❤❤

少爺生日 9歲篇

9歲生日 2018.10.5 

又到9歲生日啦~ 

因為阿媽工作好忙，所以呢年無親自整生日蛋糕俾少爺。

點都要買個什果蛋糕頂下既，而且啲生果都食得嘛!

不過都仲有牛扒大餐唔少得。

少爺生日 8歲篇

8歲生日 2017.10.5 

當然唔少得阿媽牌蛋糕!!

一睇就知好「化學」，一拎起就好似要散咁....

JIM係旁邊，眼神超緊張，OS: 媽咪呀，你小心啲呀!!! 我仲未食架!!!

一別兩年多

今日突然想起呢個Blog，究竟仲存唔存在呢?

好彩仲係度，睇返以前既POST，真係回憶返晒嚟!!

最後一篇原來已經係兩年半前，寫緊四年前既遊記....

對於現今瞬息萬變既數碼世界，簡直係彷如隔世~

但係非常慶幸以前有寫過，可能讓我無限回味，感覺幸福!!

--------- 分 。隔。線 ----------

四年前既遊記仲有兩日行程未寫，不過已經太遠了，

所以... 都係算吧啦......

但係遊記之前既BLOG 原來係我家少爺既七歲生日~

咁兩年半後既今日就一次過補返呢幾年既少爺生日片段啦~

--------- 又。分。隔。線 -----------

希望之後再睇返時仍然有滿滿既幸福感~

下一篇正式重新BLOG過~ 

2016夏末大阪溫泉之旅 - Day3 有馬溫泉

2018.09.05
呢篇寫了大部份一直係Draft狀態，今日再開返個Blog 先發現，寫左無理由唔post，再睇一次好彩有寫，可以回味返當時旅行既興奮。

Day 3
來到第三日，今日要去有馬酒泉酒店住一晚。
因為第四日返到大阪市都係住返同一間酒店，
所以我地只係執左一日既行李，輕鬆出發去有馬，
其餘既就留係酒店寄存。
出發前我地仲拜託酒店既前台職員幫我地打左個電話去將會入住既有馬溫泉酒店，
再次Confirm我地會準時出現，同埋安排車係火車站等我地。
(Tips: 如果有類似情況，強烈建議叫酒店既服務員幫手打呢個電話，
因為對方真係唔太懂英文，可能有馬始終唔係大城市，
如果要我講，可能講一粒鍾都confirm唔到 😖 )

其實有旅遊巴可以由梅田站往有馬，
但因為想欣賞沿途風光，又想搭下鄉郊啲既火車，
所以去程我地揀住轉幾次火車既方法。

2016夏末大阪溫泉之旅 - Day 1&2 大阪心齋橋/京都清水寺/四条通

十月的時候安排了一次家庭旅行，
主要係想帶Jim婆婆去日本浸溫泉，
所以就去左轉大阪啦~

唔知點解近年去旅行都總會遇著打風，
而呢次就遇到「海馬」先生，
結果原本夜晚十點多的回程，
變成凌晨四點多，真係慘慘。

少爺七歲生日

唔覺唔覺已經成大半年無寫Blog啦~
之前明明講左話要好好記錄自己既生活，
最重要係好好記錄同少爺一齊既生活點滴，
等之後睇返可以好好回味!!
雖然呢年生活不算如意，
但係還得要過，
所以努力補返認為值得記念既時刻!!

第一篇要補既當然係少爺既7歲生日啦~
(雖則下個月就到8歲啦~ 哈哈!! 所以要拿拿聲)

少爺生日當然要有生日蛋糕加大餐啦!!

台北溫泉Hea之旅2016 - Day 3&4 淡水老街/紅毛城/北投溫泉/返香港

2017.03.13 update ~
不得了，BLOG荒廢左好耐!!
入嚟發現2016年4月份既台北Trip最後一篇原來仲未POST~ 哈哈!!
寫左就照POST 啦，雖然過晒期!! XD

= + = + = 跳 回 Day 3  = + = + =

第三日嚟到呢個Trip既重點，
就係浸溫泉啦~

台北溫泉Hea之旅2016 - Day 2 台北101大樓/ 鼎泰豐/ 三井林口outlet/ 品川蘭

由於Jim婆婆係第一次嚟台北玩，
所以有啲地標景點係點都要去一下既。
其中一個就係台北101大樓啦。

小妹上次嚟既時候捷運「台北101/世貿」站仲未使用，
係坐公車再行一段路先到。
今次搭捷運一出就已經到左101既樓下，好方便。