[敗] 少爺御用 Canon 100D

上次9月出遊時相機退休了...........
之後少爺生日都只可用iPhone 頂住先。
對於成日覺得自己個仔好靚仔既阿媽，
加上要留住每個同少爺出去玩既珍貴回憶，
一部相機真係必不可少!!!!

之前用開個部係 Olympic 可換鏡小相機，
今次換新... 就諗再買同類型小巧既好呀,
還是買部質素高班D既單反好呢?

[麵包手作] 無花果芝士麵包

原來10月只寫過一篇 BLOG，
10月下旬無啦啦半個月出左兩次差，又辛苦又掛死我家少爺。
正確應該係掛死佢有分離焦慮既媽媽先真，少爺不知過得幾爽!!

11月繼續忙，本來有一日假想帶少爺出遊，
點知阿媽唔爭氣病左，出遊夢告吹~

打開BLOG，原來仲有篇打左一半既麵包手作，
反正無遊記，搵篇麵包充撐一下~

少爺五歲生日

呢兩個月香港發生好多事，
心情亦受影響，已經過左17日。
無論結果如何，仍感動香港有一群勇敢既學生。

= + = + = 跳 回 五 歲 生 日 = + = + =

發完囉唆，回到正題啦~
十月 Jim 家亦有大事，當然係我家少爺既生日啦!!!

雙「八月十五」的中秋遊

今年中秋正日係星期二，
所以 Jim 家提前週末就到西貢賞月慶中秋。

九月初已經過左「立秋」，雖然天氣仍然好熱，
不過估計今年泳季應該差不多完結啦，
所以提示少爺今次要游盡佢!!!
點知佢真係搏晒命，搞到腳仔損晒，成身散晒，
休息一日後既中秋正日都唔願出街囉~

少爺專屬月餅

正所謂一年容易又中秋，
話咁快下星期就係中秋節啦!!

中秋節要食月餅係常識啦卦~
所以繼上年失驚無神第一次整月餅俾JimJim食，
見佢都食得好滿意，所以今年再接再厲!!
(基本上少爺有野食就滿意架啦~ 哈哈)

[少爺日記] A bathing corgi

Hi everybody~ 我係 JimJim 呀~

媽咪前幾日幫我沖涼既時候，
偷影左我幾張出浴照，
佢話D相影得本少爺好可愛喎，
然後就叫我自己寫篇 Blog 記錄下咁喎。

本來呢我就諗左呢篇 Blog 既標題叫"媽媽好無聊之少爺我愛洗白白"，
不過媽咪話 唔可以話佢無聊 標題太長喎 ，
所以呢... 最後幫我改左現家呢個標題，
ummm..... 都OK啦~

當Airfryer遇上759羊架

小妹喜歡食羊，無論羊扒、羊架、羊膝都啱。
我家樓下新開左一間大既759，有凍肉賣。
都算多款，有三文魚、羊架、帶子、龍蝦都有，
不過有狗友推介既鯖魚就唔見，想買來俾少爺試下都唔得!!

今次買左細 Size 既羊架試下，
用多種香草及海鹽醃，
Airfryer 100度焗25分鐘(需100度預熱2分鐘)，再以200度焗5分鐘。

麵包的變奏

每次出遊小妹都會準備麵包，
一方面新鮮，另一方面自家製少爺可以一齊食。

上兩週全家出遊夏令營，就準備左兩款自家製麵包，
一款係莓越蔓合桃，一款係芝士餡。
今次係首次試用Airfryer 來焗麵包，效果好好呀!!

好少野買既寵物展X2

感覺今年寵物展規模細左好多，
可以買既野亦愈來愈少。

今年兩個主要既寵物展都有去，
一個係灣仔會展，另一個係九龍灣展貿。

2014暑假夏令營 - 濕身熱辣辣

續上一篇出發篇 「2014暑假夏令營 - 出發嚕！！」。
本篇只得大量少爺濕身沙灘Look，熱辣辣
Are you ready??!!

= + = + = + 入 正 題 分 界 線 + = + = + =

上篇提到夏令營就即係少爺喪游水既時候，
一日最少一次走唔甩，
今次多數每日9點半左右就會大伙兒到附近沙灘玩，
又因為今次無船船，去唔到附近既南風灣囉~

2014暑假夏令營 - 出發嚕！！

每年七月份，
除左唔好貼埋牆行同唔好咁夜返屋企之外，
（點解？你地明既～）
仲有係香港既打風同落雨既季節。

對於我家亦都係一年一度少爺喪游水、小妹放空之旅既夏令營時候。
點知....計劃好日子請埋假之後，
阿颱風威馬遜先生來個逆襲！！
天氣報告預測個幾日會日日落大雨！

反正香港夏天唔係酷熱天氣警告就係落雨天，
有雨落可能好過酷熱天氣警告(好怕少爺中暑!!)，
除非黑雨（！！！）絕不改期！

[少爺日記] 快閃迪迪尼

Hi, everybody~ 我係JimJim呀!!

最近香港有1600隻熊貓來左，
佢地鍾意玩快閃，
又去米埔、又去深水涉、最後去左上環。
我地汪星人就無咁好彩，有好多地方都唔准去!!

[敗] Philips Airfryer 氣炸一番!!!

呢部 Philips Airfryer HD9240 就係我既廚房新玩意啦~

其實早於5月中時已經俾左錢，但係代理無貨，
足足等左一個月部機終於到家!!
收到貨到依家差不多二星期，
期間當然係不斷試機啦~~

傳說(?)中呢部機可以用好少油以氣流原理做出油炸效果，
所以中文名叫氣炸鍋。
傳說又話可以減少食物既油脂(Fat)80%，
所以別名又叫健炸鍋。
咁究竟係咪真係講到咁堅先??!!

不忘舊愛

最近廚房又有新玩意，
不過仲要試用一下先同大家分享，
留待下篇再講~

為左表示小妹唔會貪新忘舊呢，
來寫一下舊愛「麵包機先生」啦~~~
之前啱啱睇到一篇新聞，話台灣自從麵包機大賣之後，
食麵包引致肥胖既人足足多左三成!!!
我即刻同Jim婆婆講好彩我無Keep住日日整包俾大家食咋!!
哈哈~ 我真係太會節制啦~~ XD

用手機APP變身微電影大導!!

最近Facebook 流行上載短片分享，
唔係普遍隨手拍咁簡易，而且有晒effect好微電影 Feel 個D~
原來...係用手機App 加後製而成既短片!!
只要簡單地加一些後製效果及背景音樂，
話咁快就可以完成一個效果好靚既MV架啦~

端午暢游龍舟水 2014

唔知大家有無游龍舟水既習慣既呢?
我家以往就無啦~
印象中記得每年既端午節都非常曬非常熱，
多數都係安坐家中睇電視播扒龍舟比賽。

今年一如以往都係非常曬非常熱，
不過因為今年夾到時間去西貢秘密花園短trip，
所以....一係唔游一係就游足3日龍舟水啦~

自家口味 Muffin

又來一篇整野食既文章充撐下囉~

事源小妹好鍾意食 Muffin，所以就好鍾意整 Muffin  (咩邏輯??!!)
今次就來分享下我自家製既 Muffin 啦～

與水為伴

最近呢個星期不停落雨，仲要下下黃雨咁厲害，
睇來都會發霉一排囉~ 
係時候補返五一假既出遊照啦~~

= + = + = 跳回出遊當日  = + = + =

因為怕五一超多人，所以忍到隔幾日後先去玩，
點知真係意外地無平日週末咁多人，
唔通其他人喪玩完仲係屋企休息緊??!!
咁就好啦~

少爺泳季開始啦~~

距離上次出遊已經係4個月既事啦~~

呢段時間小妹工作超忙，
而且天氣潮濕 JimJim 要返汪星(?) 休養，
所以一直閉關無得出去玩!!

熱辣辣既夏天終於到啦~
大家知我家少爺係水犬啦，
夏天游水簡直就係狗生大事嘛，
所以擇左良晨吉日，
隆重宣佈~~~~ 少爺既泳季開始啦!!!!!!!!!!

來自汪星的 JIM

足足有一個多月無更新個 BLOG 啦!!
因為呢個月超級忙，
忙工作 (呢個月係我個行既peak peak peak season)、
忙學呢樣學個樣 (其實小妹係超級心急既人，成日想到咩就要立即去做既人，
最近又搵到新野學啦！！)、
仲有仲有，就係忙中毒啦 (當然係星星 laaaaa~~~)。

[手作仔] I'm Top Model~

Jim媽之前都有幫少爺做下衫仔、圍巾仔咁，
一為興趣、二來覺得自己做獨一無異之餘，又可啱Size!!

一直用開既小小衣車新既一年已經報銷，
今次把心一橫買部多D功能、好少少既，
希望一分錢一分貨，可以用耐D啦~

［敗］血拼2014寵物節

一年一度會展寵物節係啱啱既週日結束啦。
一連三日唔知有幾多人有去到呢?

Jim媽係第二日即星期六既下午去既，
去到見到長長既購票人龍都嚇左一跳，
記得往年無咁多人既，
今次要排20分鐘到先買到飛入場，
雖然人多，不過秩序良好!!

恭喜發財！馬年馬到功成！

馬年大年初一，

少爺祝各位：

身體健康、馬到功成！

毛寶貝日日有街去、零食食不完、！

少爺晚餐好幫手

又來記錄下少爺既飲食情況順便介紹一下新敗物~

其實少爺既每日晚餐已經轉左做 Homemade 鮮食大概個多月啦!!
(請掌聲鼓勵媽媽!! )

我家少爺Jim Fantastic 2014

2013年剛結束，
往年年尾總會有好多銀行、公司印製既座檯月曆派發，
但今年情況不同，想搵一個都有難度。
最後，想起 Blog 友推介既台灣網上月曆印刷，
操作簡單又花費不多，
所以就試一試印本獨家既「我家少爺 Jim Fantastic 2014」啦!!