塔門Grass Island野餐

今年聖誕節因家人放假時間排不來，
唔可以去秘密花園避世渡假嚕。
但係聖誕節假期間周圍都人頭湧湧，
所以 Jim家決定提前23號來一次塔門一日遊，
兼補償一下之前因媽咪太忙而無得去玩既少爺!!

[遊記] 上海半天偷閒記

因為工作原因，平常每兩、三個月就需要到上海、北京出差，
每次我都盡量將一星期的工作濃縮至三、四天完成，
盡力將見唔到少爺既時間縮到最短，
因為媽媽(即我本人)有嚴重分離焦慮症~ XD

所以每次出差都是機場、辦公室、酒店三個地方，
有時間出外逛逛我倒不如快點完成工作，
回家抱抱我家少爺!!

[敗] 2015啟德郵輪碼頭寵物嘉年華

剛過去的兩個月非常忙碌，
因為家裡有事、工作又忙都不得了，
所以呢段時間少爺都無得去玩，
BLOG都荒廢了。
上一篇已經係10月中啦~

上兩星期啟德郵輪碼頭舉行第一次Pet Show，
原本要出差上海，點知突然改期，
咁當然要去湊下熱鬧，幫少爺入下貨，
無得玩都要滿足下少爺既口腹之慾嘛~

少爺 Bday Cheesecake

記錄一下JimJim個生日蛋糕，
下次再做睇返BLOG就可以，方便好多。
其實個蛋糕係輕乳酪蛋糕(Cheesecake)，
上面塗上Greek Yogurt (我用既係FACE Total0% 原味)
再加上新鮮Bluebarry，
其實重點係...支6歲洋燭啦~~

中秋Super Moon暨泳季尾聲

今年既中秋節係9月尾，
Jim家一如以往去秘密花園一家大細賞月慶祝，
加上今年個月亮好似話係唔知幾多年先一次既Super Moon，
更加要去郊外、無光害既地方好好欣賞啦!!

今次又再犯左低級錯誤，
就係帶左相機，但又唔記得帶SD卡!!
唉呀，影唔到靚靚 super moon 啦~
唯有用iPhone 影啦~ 可能真係super 啲，
都又真係好似幾大咁喎!!

JimJim 6歲啦~~

尋日係JimJim牛一之喜，好似一個眨眼，少爺已經六歲囉~

因為正日係星期一，無咩特別出去玩慶祝，
上星期中秋連假去秘密花園就當作慶祝架啦~
所以正日就用美食來慶祝慶祝啦!!

話說一如以往，就由我親手整個 Birthday cake 俾我寶貝仔啦~
今年整個芝士蛋糕，加原味乳酪&新鮮bluebarry~
賣相都唔錯架 (自我轉圈圈中~~~)。
其實味道都好好架，因為係整俾少爺，所以減糖，
點知減糖版本仲好食過原來版本，
結果一半我地(人)食左，一半就少爺分兩日食。

與少爺漫步西九

最近香港狗界城中熱話其中一單，
應該係西九龍海濱長廊居然可以蹓狗!!!!!!
要知道係香港呢個咁唔 Pet Friendly 既城市，
可以俾狗狗去既所謂「寵物公園」真係少之又少，
而且每個既面積都係細到不得了。
要好似有西九龍海濱長廊咁大既地方可以俾狗進入，
真係諗都未諗過。

西九文化區既official website 係咁寫既：西九文化區歡迎公眾帶同寵物到訪區內的苗圃公園及海濱長廊。

Yeah~ 終於可以正大光明咁行入去一個似樣啲既公園啦～

[敗] 少爺影分身術之全手工訂製公仔

一直都有做一隻迷你 JimJim 既念頭，
睇來睇去，發現好多都係以羊毛毯為材料。
到4月中時係FB睇到台灣哥基Blogger 3P媽為3P做既公仔，
嘩~  係第一次見到唔係羊毛毯，而且好似喎!!

於是立即訊息詢問一下賣家可不可以郵寄香港、價錢等資料。
知道價錢之後有稍稍考慮了幾分鐘，雖然都算係貴貴地，
不過再想到是訂製、全手工，價錢當然有番咁上下啦，
小妹喜歡手作，亦尊重手作，最後都決定落單。
其實一開始時只係決定做一隻坐姿，站姿那隻係後加既。

亦都因為係全手工，所以當付款之後先會開始排單做，
4月中付款已經要排到8月尾先製作啦~~~~~

2015 Summer Part II - Let's Adventure!!

趁暑假完結前，
與侄仔、小侄女又再去多次秘密花園，一定要多游幾轉水!!
所以突然又有得去玩啦~

由於要遷就大人返工時間，
但又想爭取多D時間玩，
今次嚟個新嘗試週五放工後出發，
亦即係.....行~ 夜~ 山~ 啦 !!!
回想上一次行夜山已經係六、七年前既事啦，
跟一班朋友夜行鳳凰山睇日山!!!

2015 夏令營熱爆FUN

Jim 家既夏令營已經去到第三年啦~
炎炎夏日一定要一家人去秘密花園游水、放空、Summer Fun 一下嘛~
今年既夏令營定左七月中旬，嚟個四日三夜先夠皮。
同時亦都因為五月尾丟底少爺去玩既補返數之旅啦。

非常幸運選中既呢幾日都非常適合戶外活動，
其中兩晚半夜落雨，到左第二朝太陽伯伯又出現返，
雖然最後果日天陰，游水都有少少涼，
不過感覺唔太曬，但係紫外線仍然係超勁，
結果.... 夏令營之後全家又曬黑左幾度啦!!!

[少爺日記] 我的契姐姐 - 阿福

Hello Everybody!! 我係JimJim啦~

今日要隆重同大家介紹我既契姐姐!!
佢就係阿福姐姐啦!! 佢已經13歲架啦！



點解我會多左個契姐姐？
因為最近媽咪開始助養阿福姐姐囉～
阿福姐姐由1歲開始就住係SAA架啦，可惜等左12年都等唔到有心人帶佢返屋企。
但係SAA願意照顧好似阿福姐姐咁既狗狗直到終老。

[食譜] 無花果、小Pizza與南瓜濃湯

今年六至八月都非常忙碌，其中硬要擠出時間跟少爺放假放空，
其餘時間就更加忙到透不過氣。
唔好話煮野食，連好好生活休息一下都唔可以。
今個星期忙碌工作終於暫告一段落。
即時歎返個無花果配藍莓乳酪。
又係無花果季節，淡淡既無花果好香。

其實生活就係做自己喜歡做既事，
一個人或兩個人都可以，生活從來重質不重量~
忙碌過後要煮一煮、車一車 (係車衫個車)、hea 一 hea。

最近無煮，找回cooking folder 內未寫既小Pizza 與南瓜濃湯充撐一下。
話說第一次自家製 Pizza 之後都無再寫過，
其實都做左無數次Pizza。
淘寶寶Pizza 砧板都仲未係BLOG出過場.... XD

[敗] GoPro Hero4 游水水新物

之前買左Canon 100D 就係為左同少爺影多D靚相，
果然影出黎既相唔太要後期加工已經可以睇得下。
但係用100D影movie就好似唔係太方便，
始終相機"大舊"又聚手，最最最大問題係唔濕得水。

由於少爺最愛游水，而且游水時真係太太太可愛啦~~
(阿媽覺得自己阿仔係最靚仔最可愛既不治之症又發作啦~~~)
所以一直都想買可以拍片又防水既action cam。
GoPro 應該係action cam入面既專業，不過始終唔平，所以一直都下唔到主意。

首爾帶回來既 Sweet Curry Pack

話說小妹唔食得辣，所以泰式果D好辣既咖哩唔太好，
反而日式甜咖哩，少辣甜甜地就好鍾意啦。
去首爾期間，有去當地既超市逛逛，
主要係想買下零食做下手信咁。
點知俾我見到包咖哩幾吸引咁，就買左返嚟。

搵日開嚟煮當晚餐，結果... 好味喎~
好後悔只係買左一包返嚟咋!!

好天氣去游龍舟水 2015

由少爺愛上游水之後，
每年端午節都變成游龍舟水既家庭日。
今年當然照舊，同埋少爺去秘密花園游游游啦~

不過今年因為小妹要出差北京，差D趕唔切返嚟，
為左少爺可以游龍舟水，前一晚趕搭夜機返香港，
航班 Delay 就梗架啦，點知等左兩粒鐘仲未起飛，
原來航機上有小朋友發燒要落機，佢地既行李亦要download返，
就係咁，等呀等又一個鐘... 終於可以起飛，返到屋企已經凌晨二點多!!
好彩端午節當日可以如期出發，幾辛苦都抵返晒啦!!

2015首爾自由行 - Day 3&4 廣藏市場/ 梨大/ 弘大/ 小豬儲蓄罐(돼지저금통)/ Cafe Droptop

[終於有時間繼續首爾篇啦，差D要爛尾~ XD]
上篇提要: Day 2 去完三清洞仁寺洞之後，Day 3 主要活動就係行街Shopping啦~

要有氣有力行街，當然要食飽飽先啦!!
今日早餐安排去廣藏市場朝聖一下。
如果有睇開 Running Man 既朋友會唔會記得186集去過廣藏市場呢?
果集有CNBlue，佢地要鬥快去廣藏市場搵指定既攤檔搵野食，
所以今次我地就跟住佢地去過既檔口試下啦~

2015首爾自由行 - Day 2-2 三清洞BeansBins Coffee/ 仁寺洞/ 明洞조가비(貝殼料理)/ TwoTwo炸雞

上篇提要: 終於行完北村八景去到三清洞啦~

三清洞出名多Cafe，當然要試下兼休息一下。
安排行程時就發現好多人推介BeansBins Coffee ，
大大件Waffles 鋪滿大大粒鮮果&雪糕真係好吸引，
八景石階梯行落黎行前少少就係 BeansBins Coffee 三清洞店，
當然不能錯過~

2015首爾自由行 - Day 2-1 土俗村參雞湯/ 漫步北村八景

經過舟車勞頓既Day 1，養足精神再玩過啦~
因為今次呢個 Trip 其中一個重要任務係食，
為左要爭取食既機會，所以係訂酒店既時間已經決定左唔包早餐。
所以亦唔會有晨早起身落去cafe lounge 度食個早餐再瞓過既情節發生。
瞓飽飽先慢慢出門!!

2015首爾自由行 - Day1 明洞Cafe Coin/ N Seoul Tower南山塔/ 景福宮烤肉店(韓燒+醬蟹)

首爾之旅，終於入正題啦~

第一日搭 0725 機，到達首爾仁川機場已經中午12點左右 (南韓快HK一個鐘)。
過完海關攞埋行李，跟住就去機場便利店買 T-money 卡及飲品。
T-money卡即係好似HK 既八達通咁，用黎搭MTR、巴士等交通工具。
一張₩2,500，但要另外再充值。

韓國既便利店每間都有好多種不同口味既牛奶及Yogurt 選擇，
係機場已經急不及待買左呢幾支試試。
個人覺得紫色果支 Blueberry Yogurt 真係好好味，大家見到一定要試下。
右上藍色係椰子味牛奶、右下則係士多啤利味益力多咁，全部都好飲!!

2015首爾自由行 - 出發前準備(2)關於旅行

繼續首爾之旅 - 出發前準備篇。

同事話我係港女，因為"首爾"加"shopping"加"廉航"喎~
(追韓流?? 又要買野但又要慳??)，
Fine~ 如果係咁，我認我係港女囉~ 而且仲係一個婆仔，
專計婆仔數，不過睇漏條大數果隻，哈哈!!

<關於機票>
今次訂左 HK Express 香港飛首爾仁川機場，網上訂機票好方便。
連埋回程加20kg luggage (為shopping 作好準備!!)，劃位extra fee (普通位)，
比起CX 同日同時間足足平左成HK$1,200一位，
我呢D婆仔數點會唔立即買呀!!
細細聲講，今次係小妹第一次幫襯廉航啦~

2015首爾自由行 - 出發前準備(1)寵物酒店

話說 Jim 家已經4年多無一家人去過外地旅行啦~
其中一個主要原因就係唔捨得留低少爺。
今次各人假期剛好夾得上，最重要係心儀既寵物酒店終於訂到，
但係去太耐都係唔放心(當然指唔放心少爺啦)，
所以四日已經係有分離焦慮症既媽咪(即係我) 既極限啦。
四日去得邊呢? 都不外乎係東南亞架啦~
近年韓劇、韓國衫、韓國護膚品熱爆，二話不說就決定左去首爾啦!!

以前都去過兩次韓國，不過都已經係7、8年前既事啦。
當年係跟旅行團，去下景福宮、樂天世界、滑雪場咁，
所以首爾自由行係第一次啦~

五一連假游水水

話說五一連假 Jim 家又跑去秘密花園，
又係放空、游水、再放空、再游水.....
所以字就無咩，多放相作個記錄。

換左100D後都經過幾次出遊，
今次既相終於有少少滿意啦~
呢次真係無咩後期加工，
希望之後會愈來愈滿意啦~~

復活節浪茄去

續上篇 <復活節四日三夜之旅>

繼續四日三夜之旅，
其中一日，天氣十分之好，大約26至27度。
由於由秘密花園開車去萬宜水庫東霸車程不遠，
於是當日大家就提議由東霸行去浪茄。

記得小妹中學時代行過一次浪茄，已經印象模糊啦。
不過就記得唔係太多人去個度露營，去既都係情侶或三五成群既年輕人。

今次去真係唔同晒，再一次感受到香港就快完全被攻佔，
露營既人多到不得了，好大部份人係講國普通話既!!
行山途中亦有不少係內地遊客。
聽同事講因為之前內地雜誌曾經介紹過香港郊外/露營地方，
所以吸引左好多來香港自由行既人去，
聽聞有D直頭唔住酒店去露營。

「Jim。Handmade」的誕生

要記錄一篇對Jim家有義意既小事。

話說，上次成功製作左件滿意既[ 手作仔] 阿媽牌 TankTop ] 後，
車車下上左癮，愈車愈多，
依家已經一件車得比一件滿意啦....
唔經唔覺少爺已經有同款衫衫五件啦~ 哇哈哈!!

復活節四日三夜之旅

請三日放十日既復活節假終於都完結啦!!
呢十日假Jim家當然唔放過陪JimJim去秘密花園玩啦~
今次去左四日三日。
本來仲想再搵一日郊遊，不過公眾假期之後日日都落雨，
結果都係留返屋企休息。
反正少爺游左四日水，再加行左一日山，
要三日三夜先回復元氣!!!

[敗] 夏天出遊必備Alphaicon Cooling TankTop

夏水快到啦~
我想我家少爺對夏天應該又愛又恨!
水犬當然愛夏天，可以游過痛快。
但係都熱到爆炸，有時怕中暑太熱都唔敢出去玩啦。

所以呢，為左夏天出遊可以舒服DD，
一直周圍搜羅可以外出消暑既好東西!!
去年平平地係淘淘買左一件可以雪到變冰既山寨版涼涼衣，
都有用，不過就好快唔涼 (大概可維持15分鐘)，
亦都唔太啱身，要人手加工改返細。

DIY有機香薰噴霧工作坊

一向喜歡香薰，以前獨居時都有每日點香薰既習慣。
之後搬返跟家人同住後就減少左點香薰既頻率了。

上週末去上了一個DIY 有機香薰噴霧既工作坊 (DIY organic room spray workshop),
工作坊係金鍾廊 Lab Concept 舉行，都係第一次上去，
原來果度佈置充滿藝術感，環境舒適。

Workshop 係由一個香薰品牌 (Neal's Yard Remedies) 既註冊香薰師主講，
除了簡單介紹香薰既用途、十多種香薰精油既功效，
重點就係製作屬於自己既香薰噴霧啦~

[手作仔] 阿媽牌 TankTop

原來對上一個車衣文已經係一年多啦~
最近 Join 左幾個 FB 關於布藝、縫紉既Group，
重燃起想車衫俾少爺既一團火。
而且Group友介紹買布好去處，
原來其中一家因店家就快結束香港零售業務，
所以"拿拿臨"去逛一逛。(有興趣逛逛)

散步閒影

每年頭3個月都係閉關月，
天氣時凍時潮濕，真係好難頂。
少爺自去年春天有濕疹狀況，今年又黎過，
不過今年輕微左，唔知同用左環酵有無關呢??
而且郊外多蟲蟲，再忍一下4月就有得去玩啦，
咁就寫一篇平日散步黎充撐一下啦。

環酵是寶!!!

因為睇到網上分享話「環保酵素」(簡稱:環酵)成份天然，
對狗狗皮膚好，見到寵物網店都有買就買左一支俾少爺用。
平時用黎抹身、出街散步返屋企就用黎抹手仔腳仔，
效果都唔錯，少爺無任何敏感狀況。

後來有狗友家公主皮膚唔好用完有好大改善，
引起左我既興趣，於是就加入埋FB 既相關群組。
加入後真係學到好多，原來環酵係寶!!!

羊年要咩有咩!!

咩咩咩~~~
羊年到啦 (其實已經係年初五啦~ )
唔理年初幾啦，總知祝各位BLOG友羊年事事如意、要咩有咩!!!

小妹插既花花，當然要搵御用model影多幾張賀年靚相!!

[少爺日記] 2015任食放題(寵物展呀!!!)

Hello Everybody!! 我係JimJim啦~

話說每年二月中香港就會舉行全年最大既寵物用品展，
入面有好多我地既野買，仲有無限放題任食，
真係諗到都流晒口水呀!!
今年既就係呢個週末啱啱完左啦~
好可惜媽咪話shopping 呢D野唔啱小朋友喎，
所以完全無諗過要帶我去囉!!!!!!!

Corgi 帶你遊倫敦

大家都知 Corgi 係倫敦好巴閉架啦，
因為連英女皇都寵愛佢，
有時去旅行出巡都會帶住佢地，
搵佢地做倫敦既代言人一D都唔過份呀!!

前兩日無意中見係 youtube 見到一個由倫敦某旅行網拍既宣傳片，
真係不得了呀!!
因為今次既主角就係一隻Corgi!!
帶你玩盡倫敦，坐bus 去 royalacademy，又去名店 shopping，
恤個靚髮再坐 cab 去嘆 afternoon tea。
學 James Bond 坐 speedboat 睇 Big Ben，
再係 London Eye 欣賞夜景，真係精彩都不得了!!

睇完真係想去返轉倫敦呀!!

 

<video from Youtube >

鮮茄焗豬扒飯

好友幫忙代敗LC 焗盤，呢個星期就整樣野黎開光。
諗來諗去都係整焗豬扒飯好食又方便。

由於自家製材料當然選自己喜歡，
豬扒就用西班牙黑毛豬扒。
其實本身覺得豬扒太厚煮完都偏"鞋"，
呢隻黑毛豬扒薄薄地，煎完焗完一D都唔"鞋"呀!!
一pack 有6片，雖然貴左少少，但耐唔耐食一下都OK~
因為肉質嫩，所以只用海鹽、黑糊椒及橄欖油醃1小時，然後煎一煎。

365 Days with JimJim

2015年已經過左半個月，
所以呢篇真係要趕住寫!!

話說去年開始整左本少爺月曆放係公司，
每日望住去玩好開心既少爺心情真係好好多!!
[我家少爺Jim Fantastic 2014 ]

所以今年一定要繼續呢個習慣，
2015年都要 365 Days with JimJim~~

2014 聖誕出遊

轉眼間已經踏入2015年啦~
2014年Jim家總算過得平安快樂，
祝願新既一年大家都平安喜樂、健康幸福!!

因為自10月開始就忙過不停，
足足有成兩個半月無出遊啦~
到左12月尾聖誕節當然要拋開一切，
與摯愛親朋去秘密花園一齊歡渡啦!!!